Урыстәыла COVID-19 иахҟьаны иреиҳаӡоу аԥсҭбарақәа азгәарҭеит

16:51, 26 Жьҭаара 2021

ААЕ адыррақәа рыла адунеи аҿы 250 миллион-ҩык ыҟоуп аҿкчымазара зыхьхьоу, рыԥсҭазаара иалҵхьеит хә-миллион-ҩык рҟынӡа.

АҞӘА, жьҭаара 26 - Sputnik. Урыстәыла COVID-19 иахҟьаны иреиҳаӡоу аԥсҭбарақәа азгәарҭеит, рҳәеит аоперативтә штаб аҿы.

"Аҵыхәтәантәи уахыки-ҽнаки рыла 1106 ԥсҭбара азгәаҭоуп. Аҿкчымазара ҵасижьҭеи рыԥсҭазаара иалҵхьеит 232 нызқьи 775-ҩык", — ҳәоит адырраҭараҿы.

Ииасыз амш азы рыԥсҭазаара иалҵит 1069-ҩык.

Акоронавирус рыдбалоуп 36 446-ҩык. Азеиԥш хыԥхьаӡара 8 316 019 инаӡеит, 0,44% ихаланы. Ахәшәтәырҭақәа илрҩаахьеит 26 973-ҩык. Зынӡа ргәы бзиахахьеит 7 213 584- ҩык.

Роспотребнадзор "дельта" AY.4.2 ашьҭкаара алшар ҟалоит ҳәа азгәарҭеит

26 Жьҭаара 2021, 12:47

Аԥсны аҿкчымазара зцәа иаланы иаадырԥшыз ауаа рхыԥхьаӡара 30924 -ҩык рҟынӡа инаӡеит, ргәы бзиахахьеит 26313 -ҩык ауааԥсыра, рыԥсҭазаара иалҵит 447-ҩык.