АҞӘА, жьҭаара 27– Sputnik. Актер, арежиссиор Константин Хабенски Чехов ихьӡ зху МХТ асахьаркыратә напхгаҩыс дҟаҵоуп, ҳәа аанацҳауеит РИА Новости Урыстәыла акультура аминистрра адырра шьаҭас иҟаҵаны.
Хабенски ари аҭыԥ аҿы диԥсхит Сергеи Женовач.
"Урыстәыла зҽаԥсазтәыз аҟазара аусзуҩ, Урыстәыла Аҳәынҭқарратә аԥхьахә алауреат Сергеи Женовач Чехов ихьӡ зху МХТ асахьаркыратә напхгара аанижьуеит хатәгәаԥхарала. Ари аҭыԥ аҿы иара диԥсахуеит актер, арежиссиор Константин Хабенски", – аҳәоит Акультура аминистрра адырраҭараҿ.
Аусбарҭаҿы аҳәамҭа ҟарҵеит Женовач иӡбра шрыдыркылаз, ҭабуп ҳәа ахырҳәааит имҩаԥигоз иусура. Анапхгара ҿыц МХТ атрадициақәа ԥхьаҟагьы идырҿиалароуп, ҳәа азгәарҭеит аминистерраҿы.
"Агәра аагоит Константин Иури-иԥа атруппа драԥхьагыланы, атеатр ԥхьаҟагьы арҿиара шалиршо. Иара акыршықәса МХТ аҿы аус иуан, аколлектив идыруеит, дырдыруеит. Атеатр аҿы аҭагылазаашьа бзианы идыруеит", - ҳәа рҳәоит аминистрра апресс-маҵзураҿы.