АҞӘА, абҵара 1 – Sputnik. Флагман ЕАА АҲМ афбатәи афлот афлагман Mount Whitney Амшын еиқәахь инеиуеит ҳәа аанацҳауеит РИА Новости афлот твиттер аҿтәи адыррақәа шьаҭас иҟаҵаны.
"Mount Whitney Амшын еиқәахь ахы археит НАТО ала апартниорцәеи адгылаҩцәеи имҩаԥырго аоперациа иалахәхарц", - ҳәа аҳәоит твиттер аҿы.
Аӷбаҿ иҟоуп Афбатәи афлот аштабқәеи Арра-мшынтә мчрақәеи русзуҩцәа.
Америкатәии натои ркомандаҟаҵара ирыланаҳәеит Адгьылбжьаратәи амшыни Амшын еиқәеи рҿы жьҭаара анҵәамҭаз аоперациақәа ишрылаго азы.
Ҩымш раԥхьа Амшын еиқәа аӡқәа ирҭалеит америкатәи аесминец "Портер", амҵәыжәҩа змоу аракетақәа ақәыргыланы. Ари ирылаҳәаз аоперациа иадҳәалоу иадҳәаламу еилкаам. Аесминец иашьклаԥшуеит Амшын еиқәа афлот амчрақәа.
Урыстәыла Адәныҟатәи аусқәа рминистр Сергеи Лавров иазгәеиҭеит ЕАА имҩаԥнаго аусқәа аҭышәынтәалара ишазырхам, аха Урыстәыла урҭ раԥырҟәҟәаара шалшо.