АҞӘА, абҵара 1- Sputnik. НАТО Амшын еиқәаҿтәи атәылақәа, Румыниа ма Болгариа рҿы абазақәа раартраз агәҭакы агәылеимабзиара аинтересқәа ирықәшәом, ҳәа ажурналистцәа ирзеиҭеиҳәеит Урыстәыла адәныҟатәи аусқәа рминистр Сергеи Лавров Рим имҩаԥсуаз асаммит G20 аҿы. Абри атәы аанацҳауеит РИА Новости.
Иара иазгәеиҭеит Аҩада Атлантикатәи алианс иаҭахӡам Урыстәыла аус ацура.
Ҳара иҳамам иарбанызаалак информациак НАТО иҟанаҵарц иҟоу азы. Ҳара афактқәа роуп иаҳбо. Афактқәа ракәзар аинырра шырҭахым ҳдырбоит. Дара еснагь интересс ирымаз Урыстәыла ақәыӷәӷәара ауп.
Амшын еиқәахь аесминц Porter еиԥшу аибашьыгатә ӷбақәа аамҭа-аамҭала раашьҭра ахҳәаа аҭо Лавров иҳәеит, Урыстәыла арегион аҿы ашәарҭадара шалнаршо.
"Ҳара ашәарҭарақәа зегьы ҳарзыхиоуп. Уадаҩрак ҳаманы ҳаҟам ҳҵакырақәа рыхьчарази Амшын еиқәаҿы ашәарҭадара ашьақәыргыларази. Аха убри аан ҳара еснагь ҳазыхиоуп аусеицура апроектқәа рынагӡара", - иҳәеит аминистр.
Ари аҭагылазаашьа аҭышәынтәалара иацхраауам, Вашингтон акәзар Амшын еиқәа иаԥну атәылақәа реиҿагыларатә политика иаднаԥхьалоит, абас азиԥхьаӡоит Урыстәыла Адәныҟатәи аусқәа рминистр Сергеи Лавров.