АҞӘА, абҵара 3 – Sputnik. Алаҵа "Спутник V" аԥхьатәи апартиа Аԥсныҟа иааргараны иҟоуп абҵарамзазы ҳәа лҳәеит Аԥсны асанитартә ҳақьым хада Лудмила Скорик радио Sputnik аинтервиу аҭо.
30 000 доза алаҵа "Спутник V" Аԥсныҟа иааргараны иҟоуп ҳәа лҳәахьан уаанӡа Аԥсны асанитартә ҳақьым хада Лиудмила Скорик.
Лара лажәақәа рыла, актәи апартиаан заҟа доза аагахо азгәаҭам.
Акоронавирус-чымазара ҳаиааирц алаҵаҟаҵара мҩаԥаагароуп. Адунеи зегьы уи амҩоуп изқәу. Згәы бзиоу зегьы алаҵа рзыҟаҵатәуп ачымазара аиааиразы.
Мшаԥымза анҵәамҭазы ареспубликахь иааган "Спутник V" 6500 лаҵа. Нанҳәамзазы ареспубликахь иааган алаҵа "Спутник Лайт". "Спутник Лайт" Аԥсныҟа иааргеит нанҳәа 6 азы. Аԥара ахшәаареи аагареи дрыдгылеит Москватәи аԥсуа диаспора ахада Беслан Агрба.