АҞӘА, абҵара 4 - Sputnik. Аԥснытәи аспортсмен Елҟан Ӷәазаа атлетика хьанҭазы Урыстәыла аԥхьахә агараҿы араӡны даԥсахеит. Абри атәы аанацҳауеит аҿари аспорти русқәа рзы Аԥсны Аҳәынҭеилакы.
Аҭыԥҳацәеи арԥырцәеи 15-20 шықәса зхыҵуа рыбжьара аиндаҭлара мҩаԥысуеит Грозныи абҵара 1-4 рзы. Аԥхьахә агаразы Урыстәыла еиуеиԥшым арегионқәа рҟынтәи 400 - ҩык инарзынаԥшуа аспортсменцәа алахәуп.
Елҟан Ӷәазаа 15-18 шықәса зхыҵуа 61 кьыла зыкапан ыҟоу рыбжьара аҩбатәи аҭыԥ ааникылеит.
Аԥсуа спортсмен аҵара иҵоит Казантәи Аолимпиатә абжьаратә ҵараиурҭаҿ. Иҽазыҟаиҵоит Марат Мадиаров инапхгарала.
Ӷәазаа иҽазыҟаиҵон Д.И.Чагәаа ихьӡ зху Калдахәаратәи ашкол-интернат аҟны еиҽкаау атлетика хьанта асекциаҟны СССР аспорт азҟаза, Аԥсны зҽаԥсазтәыз арҵаҩы Иасон Кьахьба инапхгарала.