АҞӘА, абҵара 5 - Sputnik. Урыстәыла Атәылахьчара аминистрра арра-медицинатә маҵзура арегионқәа COVID-19 рацәыхьчара ацхрааразы аҭаҵәах аԥнаҵеит, ҳәа аанацҳауеит РИА Новости Урыстәыла Атәылахьчара аминистрра адыррақәа шьаҭас иҟаҵаны.
"Аҭаҵәах еиҿкаауп иҷыдоу ахықәкы змоу амедицинатә гәыԥқәа жәба, амобилтә госпитальқәа жәба, аҳақьым-медеиҳәшьатә бригадақәа 100 рыла. Урҭ реиҳарак ацхыраара рырҭоит акоронавирус аҽацәыхьчараҿы еиуеиԥшым арегионқәа рҿы", - аҳәоит адырраҭара.
Аҳақьым-медеиҳәшьатә бригадақәа еиҿкаауп акоронавирус змоу ауааԥсыра адиагностика рзуреи рыхәшәтәреи рҿы аԥышәа змоу ареаниматологцәа, апульмонологцәа, анестезиологцәа рыла.
Урыстәыла Атәылахьчара аминистрра агоспитальқәа рҿы 2,8 нызқь иара-ҭыԥ азырхиоуп акоронавирустә инфекциа змоу рзы. 50 процент аиаратә фонд аграждантә пациентцәа рымаҵ ауеит.
"Апандемиа иаалагазар, аминистрра амчала иеиҿкаау хырхарҭарацәалатәи амедицинатә центрқәа рҿы ирхәышәтәхьеит COVID-19 ззышьақәырӷәӷәаз 10 нызқьҩык инареиҳаны аграждантә пациентцәа ", - азгәаҭоуп адырраҭараҿы.
Владимир Путин инапынҵала Урыстәыла Атәылахьчара аминистрра арра-медицинатә маҵзура арегионқәа COVID-19 аԥырҟәҟәараҿы ацхыраара ҟанаҵоит.