АҞӘА, абҵара 6 - Sputnik. Абҵара 6-14 рзы Краснодартәи атәылаҿацә аҿы, Шәачагьы убрахь иналаҵаны, ахәаахәҭра-ырлахҿыхратә комплексқәеи ацентрқәа рхаь унеирц азы, иумазароуп алаҵа шыҟаҵаухьоу азы ма акоронавирус шухугьахоу азы аилыркаага ма QR-код, мамзаргьы амедицинатә рбагақәа рыла алаҵаҟаҵар ҟауҵар шыҟамло узырбо адокумент.
Ауаа рцәа злахәу аспортт, абарҵәыратә, арлахҿыхратә, аланарԥшыратә, акультуратә усмҩаԥгатәқәа мҩаԥыргар ҟалом абҵара 14 рҟынӡа.
Абҵара 6-14 рзы Краснодартәи атәылаҿацә зегь аҿы ауаажәларратә крыфара-чара аобиектқәа рахь унеир ҟалоит алаҵа шыҟауҵахьоу азы мамзаргьы акоронавирус шухугьахоу азы аилыркаага ма QR-код.
Уаанӡа QR-кодқәа ақалақь-курортқәа мацара рахь анеираз акәын ианаҭахыз.
Абри атәы ааицҳауеит атәылаҿацә агубернатор Вениамин Кондратиев и-Telegram-канал аҿы.
Абри атәы ааицҳауеит атәылаҿацә агубернатор Вениамин Кондратиев и-Telegram-канал аҿы.
Аотель уҩналар ҟалоит COVID-19 аҟынтә алаҵа актәи акомпонент улаҵазаргьы. Аха акаҳуажәырҭа, ақьафурҭа, ма ауаа рацәа злахәу аусмҩаԥгатә ахь унеир улшоит алаҵа шыҟауҵахьоу азы мамзаргьы акоронавирус шухугьахоу азы аилыркаага ма QR-код уманы.