ГӘДОУҬА, абҵара 10 - Sputnik, Бадраҟ Аҩӡба. Аԥсны ахада Аслан Бжьаниа Гәдоуҭа араион ахадараҿы имҩаԥиго анҭыҵтә еилацәажәараҿы иазгәеиҭеит аԥсабаратә рыцҳара 365-ҩык аԥхасҭа шырнаҭаз.
Ахада иҳәеит аԥсабаратә рыцҳара ахҟьаԥҟьақәа раԥыхра азҵаара лассы иӡбахоит ҳәа.
Иара иазгәеиҭеит аԥхасҭа ахәшьара 200 миллион мааҭ шартәаз, ареспублика афинанстә цхыраараз Урыстәылатәи Афедерациа ишаҳәаз.
"Ашықәс анҵәамҭазы арҭ аԥарақәа ҳауп ҳәа сгәыӷуеит", - иҳәеит Бжьаниа.
Ԥхынгәы 4 азы иаалырҟьаны иҵысыз аԥшаӷьы Аҟәа асасааирҭа ахыб ахнахит, ихнашәеит аҩнқәа, иканажьит аҵлақәа Аԥсны араионқәа рҿы.