ГӘДОУҬА, абҵара 10 - Sputnik, Бадраҟ Аҩӡба. Аԥсны ахада Гәдоуҭа араион актив рԥылараан Гәдоуҭа араион ақыҭақәа рхадацәа ахы иархәоу афымцалашараз ашәахтә аизгара шьҭырхырц рыдиҵеит.
"Абҵара-ԥхынҷкәын аҩнуҵҟа иҵоуроу адинамика ҟалароуп. Аҭыԥқәа рҿы аенергетикцәа адԥхьаланы аԥара зымшәо асистема иаҿышәхла, амчра шшәымоу аашәырԥшы. Ауара-аҭынхара шәыннакылозар, уи зылшо аҿар амҩа рышәҭ", - ҳәа иҳәеит ахада.
Бжьаниа иҳәеит знапынҵақәа ззынамыгӡо ауаа русура иамххоит ҳәа.
Ахада иҳәеит ақыҭақәа жәпакы рҿы аԥареизгара шылаҟәу, уи зыршаҳаҭуа аҿырԥштәқәагьы ааигеит.
Уаанӡа "Амшынеиқәафымцамч" афымцалашара аҭира аусбарҭа аиҳабы Алхас Ҷанба Sputnik иазеиҭеиҳәахьан 2021 шықәса цәыббрамзаахыс Аԥсны афымцалашара ахәԥса аизгара 38 процент роуп иҟоу ҳәа.