АҞӘА, абҵара 13 - Sputnik. Аԥсны агәабзиарахьара аминистр Едуард Быҭәба иҳәеит Ареспубликатә ахәҷтәы хәшәтәырҭа иаҭаауа рхыԥхьаӡара шырацәахаз.
Иара иажәақәа рыла, ахәыҷқәа рыбжьара акороновирус зыхьуа рхыԥхьаӡара акыр илаҟәит, аха егьырҭ ачымазарақәа рзын ахәшәтәырҭа иадҵаало рацәаҩуп.
" Ирацәаҩуп ахәыҷқәа ахәшәтәырҭахь иаарго ентеровирус, аамҭа-хәҭатә агрипп зыхьны, иара егьырҭ ачымазарақәа шыҟац иҟоуп. Иахьатәи аамҭазы ахәшәтәырҭа даара ахьынҭара амоуп, иҟалалоит уахыки-ҽнаки рыла 80-95 ҩык рҟынӡа амбулатортә хәшәтәра ианахысуа. Иара убас ирацәахеит ахәыҷқәа аԥҟара анрықәшәогьы", - ҳәа иҳәеит аминистр.
Быҭәба инаҵшьны иазгәеиҭеит, аҳақьымцәа ари ахырхарҭа гәцаракрыла ишазнеиуа.