АҞӘА, абҵара 15 - Sputnik. Израиль алаҵа "Спутник V" злоу атуристцәа ԥхынҷкәын 1 инаркны атәылахь ралалара азин ҟанаҵоит, уаанӡа атехникатә уадаҩрақәа ирыхҟьаны изалыршахом, аанацҳауеит РИА Новости атуризм аминистрра адыррақәа шьаҭас иҟаҵаны.
"Атехникатәи азиндырратәи проблемақәа ахьцәырҵуаз иахырҟьаны "Спутник" ззыҟаҵоу атуристцәа атәыла ралалара алыршахоит 01.12.21ш. инаркны", - аҳәоит аусбарҭа асаит.
Абҵара 15 инаркны Израиль официалла иазханаҵоит урыстәылатәи алаҵа "Спутник V" ҳәа азгәаҭоуп адырраҭараҿы. Уажәазы абри аус аҟазауаа аус адырулоит урыстәылатәии израильтәии асистемақәа реишьаршәалара азҵаара.