АҞӘА, абҵара 19- Sputnik. Афедералтә транспорттә маҵзура "Росавтодор" аҟазауаа Кәыдрытәи аиҩхаа атранспорттә инфраструктура ахәшьара арҭеит, иара ԥхьаҟатәи аиҭашьақәыргыларазы аԥыжәара зҭатәу аусқәагьы ҳәаақәырҵеит. Абри атәы аанацҳауеит Аԥсны аекономика аминистрра апресс-маҵзура.
Урыстәыла атранспорт аминистрра ахаҭарнакцәаАԥсныҟа иааит ареспубликаҿы амҩақәа реиӷьтәраз аҵаарақәа рыӡбаразы. Аԥыза-министр ихаҭыԥуаҩ, аекономика аминистр Кристина Озгани Аԥсны акапиталтә ргылара аусбарҭа аиҳабы Ҭемыр Агрбеи урыстәылатәи рколлегацәеи имҩаԥыргеит акыр аусутә еиԥыларақәа.
Урыстәылатәи аҟазауаа Аинвестпрограммала имҩаԥгахо апроектқәа гәарҭеит.