АҞӘА, абҵара 22 – Sputnik. 2021 шықәса нанҳәамзазы Шәачатәи аотельқәа рыҩналараз иалагалоу аԥҟара ҿыцқәа атуристцәа рнеира еиԥнаҟьеит, абри атәы аанацҳауеит акурорт "Роза Хутор" апресс-маҵзура.
"Рашәара-ԥхынгәы азы ауаа рацәан, аха нанҳәамза инаркны аԥҟара ҿыцқәа ирхырҟьаны атуристцәа акыр имаҷхеит", – иҳәеит акурорт "Роза Хутор" адиректор хада Александр Белокобыльски.
Ҟәбина агубернатор Вениамин Кондратьев иажәақәа рыла, Краснодартәи атәылаҿацә ахь иаауа атуристцәа алаҵа шрымоу ала асертификат аздырхиароуп, ма алаҵа ҟарҵар шыҟамло азы аршаҳаҭга рымазароуп, мамзаргьы аковид шырхыргаз азы ашәҟәы рыцзароуп. Арҭ адокументқәа рыҟамзаараан атуристцәа алаҵа ҟарҵароуп хымш рыҩнуҵҟа.
Иааидкыланы 2021 шықәсазы акурорт "Роза хутор" иаҭааит 850 нызқьҩык атуристцәа. 2020 шықәсазы 800 нызқьҩык ыҟан.
Аҵыхәтәантәи уахи-ҽни рзы Шәача 132 акоронавирус хҭыс азгәаҭоуп.