"Ҵыԥх аҵарашықәс ианалагаз апрограмма хацыркын, аха апандемиа иахҟьаны уи еиԥырҟьан. Аҵаратә процесс ианацҵаха, ҳара ишаҳҭахыз еиԥш еихышәшәа аусура мцаӡеит, избанзар, иҟан ахәыҷқәа рацәаны иагхоз, акарантин ахь иаҳашьҭыз аклассқәа. Ус шакәугьы аҵарашықәс анынҵәа, аиҿырԥшрақәа ирыбзоураны иаҳбеит алҵшәа даара хәарҭара шалоу ҳазхысуа апрограмма, иара ахәыҷқәагьы азҿлымҳара рыманы иазнеиуан. Ари аметодикала аԥсуа бызшәа аҵара ахәыҷқәа рдыраа аизырҳараҟны хәарҭара алоуп ҳәа ахәшьара аҳҭеит", - еиҭеиҳәеит Кәакәасқьыр.