АҞӘА, абҵара 24 - Sputnik. COVID-19 азы атестқәа арҭеит 510-ҩык Аԥсны ауааԥсыра, урҭ рахьтә 111-ҩык рцәа акоронавирус шалаз аадырԥшит.
Аҟәа иҟоу амобилтә госпиталь аҿы рыԥсҭазаара иалҵит 1945, 1944 шықәсқәа рзы ииз ҩыџьа ахацәа.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 53-ҩык, рҭагылазаашьа бааԥсуп 23-ҩык, ибжьаратәуп - 53-ҩык. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 37-ҩык, урҭ рахьтә 12-ҩык рҭагылазаашьа уадаҩуп. Очамчыра ирхәшәтәуеит 21-ы, Гагратәи ахәшәтәырҭаҿы - 19-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәшәтәырҭаҿы 13-ҩык ачымазцәа шьҭоуп. Аҟәа иҟоу амобилтә госпиталь аҿы - 68-ҩык, 12-ҩык рҭагылазаашьа хьанҭоуп.