АҞӘА, абҵара 25 - Sputnik. Аинвестициақәа рзы Аԥсни Урыстәылеи реиҳабырабжьаратә еиқәшаҳаҭра апроект Москва, Урыстәыла аекономикатә ҿиара аминистрраҿы иалацәажәеит ҳәа аанацҳауеит Аԥсны аекономика аминистрра апресс-маҵзура.
Аилацәажәара иалахәын аԥыза-министр ихаҭыԥуаҩ, аекономика аминистр Кристина Озгани ахада Иусбарҭа анапхгаҩы ихаҭыԥуаҩ Валери Папбеи.
Уи аԥхьа Урыстәыла аенергетика аминистрраҿы имҩаԥысит аусутә еилацәажәара Аԥсны фымцалашарала аиқәыршәара азҵааразы.