Аԥсны ачымазараҿкы зцәа иаланы иаадырԥшыз ауаа рзеиԥш хыԥхьаӡара 34600-ҩык рҟынӡа инаӡеит, ргәабзиара шьақәгылахьеит 28688-ҩык ауааԥсыра, рыԥсҭазаара иалҵхьеит 522-ҩык.
АҞӘА, абҵара 26 - Sputnik. COVID-19 азы атестқәа арҭеит 431-ҩык Аԥсны ауааԥсыра, урҭ рахьтә 104-ҩык рцәа акоронавирус шалаз аадырԥшит.
Уахыки-ҽнаки рыла Аԥсны рыԥсҭазаара иалҵит ԥшьҩык апациентцәа: Гәдоуҭатәи ахәшәтәырҭаҿы - 84 шықәса зхыҵуаз аԥҳәыс, Аҟәатәи аинфекциатә хәшәтәырҭаҿы - 65 шықәса зхыҵуаз ахаҵа, Урыстәылатәи арратә госпиталь аҿы - 1942, 1948 шықәсқәа рзы ииз ҩыџьа аҳәса.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 63-ҩык, рҭагылазаашьа бааԥсуп 20-ҩык, ибжьаратәуп - 43-ҩык. Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 39-ҩык, урҭ рахьтә 13-ҩык рҭагылазаашьа уадаҩуп. Очамчыра ирхәшәтәуеит 24-ҩык, Гагратәи ахәшәтәырҭаҿы - 18-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәшәтәырҭаҿы 10-ҩык ачымазцәа шьҭоуп. Аҟәа иҟоу амобилтә госпиталь аҿы - 69-ҩык, хәҩык рҭагылазаашьа хьанҭоуп.