АҞӘА, абҵара 29- Sputnik. Аԥснытәи аԥқьаҭмпыласҩы Нестор Цәышба актәи аҭыԥ ааникылеит Казан имҩаԥысуаз аԥқьаҭмпыл азы "Star Play" аицлабраҟны. Абри атәы Sputnik иазеиҭалҳәеит аспортсмен иан Камилла Лакербаиа.
Нестр аашықәса ихыҵуеит, ахԥатәи акласс аҟны дтәоуп. Ԥшьышықәса ҵоит аԥқьаҭмпыл иҽазыҟаиҵоижьҭеи.
Аспортсмен хәыҷы иан лажәақәа рыла, Нестор иқәра шмаҷугьы изныкымкәан аԥхьахәҭыԥқәа ааникылахьеит Аԥсны еиԥш Урыстәылагьы. Зыҟаҵаҩс димоуп Аԥсны Ареспубликатә аԥқьаҭасратә школ аиҳабы Елизабет Акәыциа.
© Foto / Камилла Кербая
"Иара ари аспорт хкы бзиа ибоит. Иеихьӡарақәа зегьы зыбзоуроу иазыҟаҵаҩ лоуп. Нестор ашьыжь дшааԥшызашәа ииҳәо "аҽазыҟаҵарақәа анбасымоу" ҳәа ауп, бзиа ибоит аицлабрақәа ихы анрылаирхәо", - ҳәа лҳәеит лара.
Лакербаиа иазгәалҭеит, ҳаԥхьаҟагьы еиуеиԥшым аицлабрақәа ихы шрылаирхәо иԥышәа аизырҳаразы. Нестор ихаҭа макьаназ иаԥхьаҟатәи иԥсҭазаара аԥқьаҭасра иадиҳәаларц иҭахуп.