АҞӘА, ԥхынҷкәын 1 - Sputnik. Санкт-Петербурги Ленинградтәи аобласти ахарадҵа анагӡаразы Афедералтә маҵзура аоперативникцәеи, краснодартәи рколлегацәеи, аполициа аусзуҩцәеи 22 шықәса зҽыҵәахны иҟаз ахаҵа Шәача дааныркылеит, аанацҳауеит Урыстәыла ФСИН асаит.
Иазгәаҭоуп, Ленинградтәи аобласт ақалақь Кириши инхоз ахаҵа, 22 шықәса раԥхьа дмаҵурауаҩын, уи аамҭазы арҩашьыгатә маҭәашьарқәа рыҭиреи анапхыцәгьареи ирыдҳәалаз ҩ-цәгьоурак мҩаԥигеит.
Заанаҵтәи аусҭҵаарала1999 шықәсазы иара ашасԥара шәаны доурышьҭит, уи ашьҭахь дыбналеит.
Ацәгьоуаҩы ҽаӡәы ихьӡала атәылауаҩшәҟәы ԥаршеи рхианы Аԥсны дынхон, аҵыхәтәантәи фышықәса рыҩныҵҟа – Краснодартәи атәылаҿацә аҿы.
Цәыббра 29 2008 шықәсазы Киришсктәи ақалақьтә ӡбарҭа ацәгьауҩы латәарада иус ӡбаны хәышықәсеи фымзи иқәырҵеит.
Аоператив-ԥшааратә уснагӡатәқәа рымҩаԥгараан ацәгьоуаҩы дааныркылеит Шәача, Винограднаиа амҩаҿы. Ихаҭара шьақәырӷәӷәоуп анацәкьыс шьҭамҭақәа рыла.