Аӡын раԥхьатәи амза ԥхынҷкәын Аԥсны бжьаратәла 7-8 градус аԥхарра ыҟоуп. Ари амза аказы акыр амшцәгьа аанагоит, ақәа ӷәӷәаны илеиуеит лҳәеит аҳауагәаҭаҩ Ахԥҳа.
"Ҳазҭалаз амза сынтәа ихьшәашәоуп ҳҳәоит, избанзар ҳашьцылахьеит зны-зынла ҭагалани иари иузеиҩымдраауа иахьцоз. Уажәтәи ахьҭақәа зыхҟьо сибрантәи иааз ауп, ақәа лазышьҭуа аҩада Мраҭашәарантә иаҳзааиз аҳауа еиҿагыларақәа роуп", - лҳәеит Ахԥҳа.
Лара иазгәалҭеит даара ишыудаҩу аҳәара Ашықәс ҿыц азы асы ауа иамуа атәы, макьаназы ари амзазы асы леиуаны ирбом.
"Аӡынра заанаҵы иааиуеит, асы леиуеит ҳәа рҳәоит, ус аума ҳәа исазҵаауеит. Сара ус сахәаԥшӡом… аҳауа аԥхаррақәа уаанӡа иҟаз хәыҷык иацәыхьҟьоит, аха даарак иҳамбацыз ҳауак ыҟам", - лҳәеит Ахԥҳа.