АҞӘА, ԥхынҷкәын 2- Sputnik. Аԥсны адәныҟатәи аусқәа рминистр Инал Арӡынба даҭааит Нестор Лакоба ихьӡ зху Аҟəатəи ажəабатəи Ашьхарыуаа рышкол.
Аминистр ашкол аиҳабы Аида Кәарҷелиа лымшира лыдиныҳәалеит, иара убас раԥхьатәи ирҵаҩы Лариса Кәарҷиаԥҳаи иареи еиқәшәеит.
Уи аԥхьа Инал Арӡынба ашкол ҳамҭас иаиҭеит акомпиуторқәеи арбагақәеи. Атехника аинформатика акласс аҟны иқәдыргылоит, иара убас арахь иаагахоит аинтернет.
"Ара акомпиуторқәа ҳаман, аха иҿыцу еснагь ихәарҭоуп. Аҳамҭа иаҳҭахыз акакәын", - иҳәеит ажәабатәи акласс аҵаҩы Лаша Зыхәба.
Инал Арӡынба Нестор Лакоба ихьӡ зху Аҟəатəи ажəабатəи Ашьхарыуаа рышкол доушьҭымҭоуп.
Абҵара 17 рзы Аԥсны ахада Аслан Бжьаниа инапы зҵеиҩиз аусԥҟала адәныҟатәи аусқәа рминистрс дҟаҵоуп Инал Арӡынба.