АҞӘА, ԥхынҷкәын 2 - Sputnik. Аԥсны ахада Аслан Бжьаниа Дмитри Дбар Аԥсны аҳәынҭқарратә хьчара амаҵзура аиҳабыс дҟаҵеит. Абри атәы аанацҳауеит ахада ипресс-маҵзура.
Ахада иусдҵала Дбар аполковник ҳәа арратә чын ианашьоуп.
Аамҭала Аҩныҵҟатәи аусқәа рминистр инапынҵақәа наигӡалоит аминистр актәи ихаҭыԥуаҩ аинрал-маиор Руслан Ажьиба.
Дмитри Дбар Аҩныҵҟатәи аусқәа рминистрс дҟаҵан 2020 шықәса мшаԥы 30 азы. Ари аҭыԥ аҿы иара диԥсахит Рауль Смыр.