АҞӘА, ԥхынҷкәын 3 - Sputnik. Ибжьаӡыз ашәарыцаҩ иахьа уажәраанӡагьы аиқәырхаҩцәа иԥшаара иаҿуп Тҟәарчал акәша-мыкәша, ҳәа аанацҳауеит Аԥсны АҶА.
Аусбарҭаҿы ирҳәеит 32-шықәса зхыҵуа Бето Кокосқьериа иԥшаара ишаҿу.
Аԥшаарақәа ирҿуижьҭеи ԥшьымшуп, абҵара 30 раахыс. Аԥшаарақәа ирылахәуп аҭыԥантәи ауааԥсырагьы.
Иазгәаҭоуп амш аҭагылазаашьагьы аԥшаарақәа анырра шанаҭо. Ус шакәугьы иара ахыркәшара аӡәгьы игәы иҭам.