АҞӘА, ԥхынҷкәын 5 - Sputnik. Урыстәылеи Еиду Америкатәи аштатқәеи рхадацәа Владимир Путини Џьо Баидени еицәажәараны иҟоуп аҩаша ԥхынҷкәын 7 ахәылбыҽха. Абри атәы РИА Новости иазеиҭеиҳәеит Урыстәыла ахада ипресс-маӡаныҟәгаҩ Дмитри Песков.
Иазгәаҭоуп аиҿцәажәарақәа авидеоеимадарала имҩаԥысраны иҟоуп ҳәа. Песков ишиҳәаз ала, ахадацәа рхала ишырыӡбо ианеицәажәаша аамҭеи шаҟа аамҭа еицәажәои.
Аҩҳәынҭқаррак рхадацәа Украина иҟоу аҭагылазаашьеи егьырҭ азҵаарақәеи ирылацәажәараны иҟоуп ҳәа адырра ыҟоуп.
Уаанӡа амаҵзура Реитер, Аҩны шкәакәа ажәақәа ааго, адырра ҟанаҵахьан Баиден Баиден аиҿцәажәараан иазгәеиҭарц шиҭаху агәҭынчымра шаадырԥшуа Урыстәыла Украина аҳәааҿы арбџьармчқәа ахьарӷәӷәо, иара убас Еиду Америкатәи аштатқәа Украина асуверенитети аҵакыратә акзаареи ишадгылоу.