АҞӘА, ԥхынҷкәын 5 - Sputnik. Тҟәарчал араион Адәҳәыԥш аҳаблан инхоз Маииа Кокоева лыԥсыбаҩ рбеит Аалӡга аӡиас аҿы. Абри атәы аанацҳауеит Аԥсны АҶА апресс-маҵзура.
Тҟәарчал амцацәыхьчара-еиқәырхаратә хәҭа аусзуҩцәа иҭахаз аԥҳәыс лыԥсыбаҩ аҭыгареи дахьынхоз аҭыԥ ахь анагареи азы аоперациа мҩаԥыргон.
Азинхьчаҩцәа уи абҵара 24 раахыс илышьҭан. Макьаназы иҟоу аверсиала, Кокоева ахра даҿҟьан аӡиас далаҳаит.