АҞӘА, ԥхынҷкәын 6 - Sputnik. Омикрон-штамм ацәырҵра аверсиа ҿыц ала авирус ауаҩы иҟынтәи аԥстәқәа рахь ииасит, анаҩс еиҭахынҳәит. Абри атәы амаҵзура Bloomberg иазеиҭеиҳәеит Т.Х. Чан ихьӡ зху Гарвардтәи ауаажәларратә гәабзиарахьчара ашкол аусзуҩ Сикхулиле Моио.
Иара иажәақәа рыла, аҵарауаа рҽазыршәоит аамҭа кьаҿк ала авирус абриаҟара аҽеиҭакра шыҟалаз аилкаара.
"Уаанӡатәи аштаммқәа – "альфа", "бета" урыхәаԥшыр иубоит урҭ рҽеиҭакра аамҭа шагаз", - ҳәа иҳәоит аҵарауаҩ, SARS-CoV-2 авариант ҿыц аԥхьанатә иҭызҵаауаз ирылахәыз.
Моио ишиҳәо ала, омикрон адунеи аҿы иццакны рылаҵәашьа уацәшәартә иҟоуп.
Ааигәа Ботсванеи Аладатәи Ареспубликеи рҿы акоронавирус штамм ҿыц B.1.1.529 цәырҵит. Иара 32 еиҭакра амоуп S-хӡы аҿы.
Агеном SARS-CoV-2 аҿы аҽеиҭакра ари авариант атәымцәеижьҿагылақәа ирнышәоит ҳәа ргәы иаанагоит аҵарауаа.
Аҳәаанырцәтәи АИХқәа ишырыҩуа ала атәылаҿы шәҩык рҟынӡа ари аштамм рымоуп. Иҟоуп изыдбало Гонконг, Израиль, Бельгиа, Чехиа, Германиа, Британиа Ду, Италиа, Австралиа, Нидерланды, Австриа. Агәабзиарахьчараз адунеизегьтәи аиҿкаара имҩаԥнагаз аилатәараҿы иазгәанаҭеит B.1.1.529 шәарҭоуп ҳәа. Уи иарҭеит абырзен алфавит 15-тәи анбан ахьӡ "омикрон". Ари аштамм рыхьыр ауеит уаанӡа изхыхгахьазгьы алаҵа ҟазҵахьазгьы. Агәаанагара ыҟоуп уи зиммунитет лаҟәу СПИД зцәа иалоу ауаҩы ицәеижь аҿы ицәырҵит ҳәа.