АҞӘА, ԥхынҷкәын 9 - Sputnik. Аԥсны АШәМ аусзуҩцәеи Аԥсны иҟоу Урыстәыла аҳәаахьчаҩцәеи 2021 шықәса цәыббреи абҵареи амзақәа рыҩнуҵҟа Аԥсны аҳәынҭқарратә ҳәаа еилазгаз 500-ҩык инарзынаԥшуа ауааԥсыра ааныркылеит ҳәа аанацҳауеит аусбарҭа асаит.
Закәаншьаҭада Аԥсны аҳәаа ахысразы х-шьауск хацыркуп.
478 ус хацыркуп административтә зинеилагара ашьаҭала. Аҳәаа еилазгаз ахараԥсақәа рыдҵоуп.
Иара убасгьы, 20 ҽазышәара ҟаҵан аԥсуа-ақырҭуа ҳәаа еиуеиԥшым атауар ахыгаразы.
Ииазгоз ирымхуп 600 000 мааҭ рыхә 2300 ҭоԥ аҭаҭын аалыҵ, миллионки хәышәнызқь мааҭ рыхә еиуеиԥшым атауар.