АҞӘА, ԥхынҷкәын 10 - Sputnik. Акоронавирус омикрон-штамм ачымазара "дельта" аасҭа акыр ирццакны иҿиоит. Абри атәы РИА Новости иазеиҭалҳәеит Г.Н. Габричевски ихьӡ зху Роспотребнадзор аепидемиологиеи амикробиологиеи Москватәи Ацентр аклиникатә усуразы адиректор ихаҭыԥуаҩ Татиана Руженцова.
Руженцова лажәақәа рыла, аштамм ҿыц змоу апациентцәа агьамеи афҩи рцәыӡӡом. Ачымазара аиҳарак ибжьаратәны ма ихьанҭаны имҩасуеит.
Г.Н. Габричевски ихьӡ зху Роспотребнадзор аепидемиологиеи амикробиологиеи Москватәи Ацентр аҳақьым-терапевт Дариа Хавкина еиҭалҳәоит аштамм ҿыц змоу реиҳараҩык 20-30 шықәса рхыҵуеит ҳәа.