АҞӘА, ԥхынҷкәын 13 - Sputnik. Омикрон-штамм 16-ҩык урыстәылаа ирыдбалоуп ҳәа аҩуеит РИА Новости аԥыза-министр ихаҭыԥуаҩ Татиана Голикова лажәақәа шьаҭас иҟаҵаны.
"Урыстәылаҟа ихынҳәыз 177 тәылауаа рҟынтәи 16-ҩык аштамм "омикрон" рыдбалоуп. Зегьы ҳархылаԥшуеит", - лҳәеит Аҳәынҭдума аилатәараҿы Голикова.
Лара лажәақәа рыла 2021 шықәсазы Урыстәыла акоронавирус иақәханарџьит 772 миллиард мааҭ. Ииасыз ашықәс азы - 586 миллиард.
Агәабзиарахьчаразы адунеизегьтәи аиҿкаара абҵарамзазы имҩаԥнагаз аилатәараҿы аӡбамҭа аднакылеит Аладатәи Африка иазгәарҭаз акоронавирус ахк ҿыц аштамм B.1.1.529 агәҭынчымра аазырԥшуа акәны иԥхьаӡазарц. Аштамм B.1.1.529 ВОЗ абырзен нбан "омикрон" ахьӡ ахҵоуп.