Мышқәак раԥхьа Гал араионтә ҵараҟәшаҟны 26-ҩык арҵаҩцәа кыршықәсатәи, лыҵшәа бзиалатәи русуразы иранашьан аҳаҭыртә бӷьыцқәа. Аусмҩаԥгатә еиҿкаан Арҵаҩы имш инамаданы, ишдыру еиԥш, иара жьҭаарамзазы ауп ианыҟоу, аха ишьақәгылаз аепидемиологиатә ҭагылазаашьа инамаданы аҿҳәара инахан. Аусмҩаԥгатә шеиҿкаази, аиԥш зеиԥшу азгәаҭарақәа арҵаҩцәа ишрыдыркылои ртәы арадио Sputnik аефир аҟны дазааҭгылеит Галтәи актәи абжьаратә школ аԥсуа бызшәа арҵаҩы Џьамила Чарқазиаԥҳа.