АҞӘА, ԥхынҷкәын 15 - Sputnik. Ермантәыла аԥыза-министр Никол Пашиниан аҳәамҭа ҟаиҵеит Бриуссельтәи х-ганктәи аиԥылараҿы Ермантәылеи Азербаиџьани аихамҩа аусура аларгараз ишеиқәшаҳаҭхаз.
"Азербаиџьан ахада Ильхам Алиеви Еврохеилак ахантәаҩы Шарль Мишельи сареи ҳиԥылараан Ермантәылеи Азербаиџьани аихамҩа аусура аларгараз аиқәшаҳаҭра шьақәҳарӷәӷәеит", - ҳәа иҩуеит Пашиниан Facebook аҿы.
Иара иҳәеит, Ермантәыла ишаиуз еихамҩала Исламтәи Ареспублика Ирани Урыстәылатәи Афедерациеи реимадара.
Иара иажәақәа рыла, аихамҩа аус ауеит "аҳәаахьчаратәи аҳазалхратәи аԥҟарақәа инарықәыршәаны".