АҞӘА, ԥхынҷкәын 17 - Sputnik. Омикрон-штамм адунеи алаҵәашьа шәарҭоуп ҳәа ишьоуп ҳәа РИА Новости иазеиҭалҳәеит Роспотребнадзор ахада Анна Попова.
"Британиа ду аҿиара амоуп, Африка мышкала иаадырԥшуа рҟынтә 75% "омикрон" ауп. Ари аҩыза аҭагылазаашьа ыҟоуп Аладатәи Африкагьы. Авирус ҿыц алаҵәашьа акыр ишәарҭоуп", - лҳәеит лара.
Ботсванеи Аладатәи Африкатәи Ареспубликеи рҿы акоронавирус аштамм ҿыц B.1.1.529 цәырҵит. Иара 32 еиҭакра амоуп S-хӡы аҿы. Агеном SARS-CoV-2 аҿы аҽеиҭакра ари ахкы атәымцәеижьҿагылақәа ирнышәоит ҳәа ргәы иаанагоит аҵарауаа.
Агәабзиарахьчараз адунеизегьтәи аиҿкаара имҩаԥнагаз аилатәараҿы иазгәанаҭеит B.1.1.529 шәарҭоуп ҳәа. Уи иарҭеит абырзен алфавит 15-тәи анбан ахьӡ "омикрон". Ари аштамм рыхьыр ауеит уаанӡа изхыхгахьазгьы алаҵа ҟазҵахьазгьы. Агәаанагара ыҟоуп уи зиммунитет лаҟәу ВИЧ зцәа иалоу ауаҩы ицәеижь аҿы ицәырҵит ҳәа.