АҞӘА, ԥхынҷкәын 27 – Sputnik, Асмаҭ Ҵәыџьԥҳа. Таитәи абокс азы Аԥснытәи еизгоу акоманда ахԥатәи азеиԥшкомандатә ҭыԥ аннакылеит Краснодартәи атәылаҿацә аҿы таитәи абокс азы аиндаҭларақәа рҿы ҳәа Sputnik иазеиҭеиҳәеит акоманда азыҟаҵаҩ Тамерлан Хасиев.
Аԥсны ахьӡала иқәгылон 23-ҩык аспортсменцәа. Актәи аҭыԥқәа быжьба, аҩбатәи ааба, ахԥатәи ф-ҭыԥк ныркылеит.
"Ахәыҷқәа рҽазҵәылхны рҽазыҟарҵон. Алҵшәа бзиақәа аадырԥшит, атурнир бзиаӡан имҩаԥысит ҳәа уҳәар ауеит", - иҳәеит Хасиев.
Иара иажәақәа рыла, аԥснытәи аспорсменцәа риааира ирнаҭеит алшара жәабран 8 рзы Шәача имҩаԥгахо Аладатәи Афедералтә округи Нхыҵ Кавказтәи афедералтә округи рчемпионат иалахәхарц.