АҞӘА, ԥхынҷкәын 28 – Sputnik. Урыстәыла агәабзиарахьчара аминистрра COVID-19 адиагностикеи, ахәшәтәреи, азыԥхьагәаҭареи рзтәи аметодикатә бжьгара ҿыцқәа ҭнажьит, ҳәа аанацҳауеит РИА Новости аминистрра апресс-маҵзура адыррақәа шьаҭас иҟаҵаны.
Адокумент аус адыруылеит Урыстәыла аҵакыраҿы иаку апротокол ала COVID-19 ачымазара ахәшәтәра мҩаԥызго, аҿкчымазарқәа русхкқәеи, алабораториатә диагностикеи, апульмологиеи, амедицинатә реабилитациеи рҿтәи аекспертцәа рыла ишьақәгылоу аусутә гәыԥ.
Абжьгарақәа рахь иалагалоуп авирус ахк ҿыц "омикрон" азы аинформациақәеи ахәшә ҿыцқәа - "МИР 19", нирматрелвир+ритонавир рзы аинформациақәеи.
Уи адагьы аинформациа ҟаҵоуп ахәшә фавипиравир, уажәазы адаҩныҵҟатә инфузиа аҟазшьала ахархәара змоу аганахь ала адыррақәа рырҿыцразы ҳәа рҳәеит апресс-маҵзуразы.
Аинформациа ҭбаа ыҟоуп зчымазара хьанҭоу ачымазцәа ргәыԥ иаҵанакуа рзы рхы иадырхәо авирусҿагылатә моноклоналтә хәшәқәа рзы.