"Сара исгәалашәоит, сани саби шьҭа ибыргцәангьы иҟан, аха рыла ҭраа Ашықәс ҿыц иазыԥшын. Исхашҭуам, ҳаныхәыҷыз, ашкол ахь ҳанцоз, аныҳәазы аимаа ҿыцқәа ҳзаархәон, уи ҳара ҳзы гәырӷьара дуун. Уажәтәи аҿар ирдыруа ианар акоуп, аха ҳабацәа Ажьырныҳәоуп ирдыруаз, аҳаԥшьа аадыртуан, ашьтәа ршьуан, ҭаацәала еиқәныҳәон. Ҳаныхәыҷқәаз зегь реиҳа ҳзықәгәырӷьоз Ашықәс ҿыци Амшаԥныҳәеи ракәын", - ҳәа еиҭеиҳәеит Думаа.
Аԥсны абыргцәа рхеилак ахантәаҩы иҳәеит аамҭа иаланагалаз аҿыцрақәа ирхырҟьаны аԥсуаа ирымаз агәыбылра шырцәыӡыз, реибабара шмаҷхаз.
"Анкьа аӡә дычмазаҩхаргьы, ҷаԥшьара ицон. Аибабара бзиа ыҟан, еицхыраауан, аихаҵгылара бзиа ыҟан, уи аԥсуа иламыс иатәу ауп. Иахьаҟара аԥсуаа ахақәиҭра рыманы, амал рыманы иҟамлацт, аха агәыбылреи аихаҵгылареи амал иаҵанарӡзар ҟалап. Ҳабдуцәа "аԥсуа иламыс агәыжь иазгом, имал - арбаӷь иагон" рҳәалон", - ҳәа азгәеиҭеит Думаа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.