"Сҭаацәа даара бзиа ирбоит ачашә. Аԥсуа ашә сара исымам, аха иҟоуп италиатәи абзиақәа. Абысҭа анызуа ыҟоуп, нас ишақәнагоу акәац, акәтыжь. Исымоуп асызбал, сынтәа аԥхын ақыҭақәа рҿы џьара-џьара еизҳауеит аҳәасақәа, сцан исыҟәшәан иҟасҵеит асызбал аххыла аҭаны", - ҳәа еиҭалҳәеит ҳџьынџьуаҩ.
Валентина Хәаҭланӡиа илгәалалыршәеит Германиаҟа нхарахәа лыиасра шыҟалаз, насгьы лыгәхьаагара шхылҽуа атәы.
"Аԥсны аныгәхьаазго сара исымоуп аԥсуа шәҟәқәа рацәаны. Миха Лакрба иновеллақәа, Баграт Шьынқәба иажәеинраалақәа, Алықьса Гогәуа иҩымҭа "Аҽыкәаҳа" шаҟантә саԥхьахьо сгәалашәаӡом, знык санаԥхьалак сгәы ҭынчхоит", - ҳәа азгәалҭеит Хәаҭланӡиа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.