"Апарк аартра аҳәынҭқарратә интересқәа рыхьчара иузаҟәымҭхо иҟоу елементк ауп. Ҳәарада, иааҳарҭит, иазхеит ҳәа агәаанагара ыҟаӡам. Аартра ақәшәеит акурорт сезон анҵәамҭа, ҳгәы ҳнархьуеит избараны иҟаз аҳәаанырцәынтә асасцәа ҳбара ахьырзалмыршаз, аха ҩнуҵҟала иҳагу иҳабзоу ҳбаразы уи иаҳагьы ибзианы иҟалеит. Амузеи аҿы аӡә дыҟоу дыҟаму ҳәа акәӡам ҳшазнеиуа, иаҳҳәазар ӡынгьы-ԥхынгьы аус ҳуеит ҳәа, убас иагьыҟоуп. Аӡә дынхарашәа икаххаа, амца еиқәҵаны, харантә аӡә диасны данцо ибаратәы иҟоуп. Акыршықәса Америка инхоз ҳџьынџьуаҩ дымҩахыҵит зны, апарк аркра ҳаналагоз аамҭазы акәын, иара иҳәеит дышқәыз Аԥсны днеины дҟалар, апарк аҿы дымнеикәа шыимуа. Иара убысҟак апатриотизм зцыз ацәаныррақәа изцәырнагеит, ҳамҭа дук еиԥш идикылеит. Иҩызцәа зегьы идирбеит, идирдырит аиԥш зеиԥшу шыҟоу Аԥсны. Иаҳнаҭаз рацәоуп ажьицәа рфестиваль, ауаа ҳрыларҵәара адагьы, Аԥсны аҭоурых аҿы хәы змамыз ашьаҿа ҟаҵан", - ҳәа еиҭалҳәеит Кәыҵниаԥҳа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.