Аҭоурыхтә спорт хкы ҿыц аԥсы ахаҵареи абзиабаҩцәа рхыԥхьаӡара аизырҳареи иашықәсын уҳәар ауеит 2021-тәи. Ахыци ахәымпали рыла ахысыҩцәа рклуб "Афырхы" ахада Адгәыр Какоба еиҭеиҳәеит ахыцуаа зеиҿкаара рылшаз аусмҩаԥгатәқәеи, апандемиа зынагӡара рнамҭаз рыгәҭакқәеи ртәы.
"Иаҳхысыз ашықәс даҽакы излеиԥшымыз ҳәа ҳазҳәом. Аклуб иалоу, планла ашықәсан иарбаны иҳамоу, ҳусқәа зегьы ибзианы инаҳагӡеит ҳәа сгәы иаанагоит. Имҩаԥаагеит еиуеиԥшым хәба-фба турнир", - иҳәеит Какоба.
Аицәажәара инарҭбааны аудиофаил аҟны ишәаҳар шәылшоит.