АҞӘА, ажьырныҳәа 11 – Sputnik, Асмаҭ Ҵәыџьԥҳа. Аҟәа имҩаԥысуаз аҿагыларатә акциа алахәылаҩцәа иреиуоу Анрик Инаԥшьба иганахьала аӡбарҭа аилатәара ахыгоуп игәамбзиараз. Иаанкылоу ацхыраара ласы изаԥхьан.
Инаԥшьба даҽа 72 сааҭ даанкылахоит.
Аҟәа ақалақь апрокуратура, ԥхынҷкәын 21 2021 шықәсазы Аԥсны аҳҭнықалақь аҟны ауаа рацәа злахәыз аиҿагыларақәа рышьҭахь, аилаҩеиласрақәа рылахәреи амчра ахаҭарнакцәа рганахьала амч ахархәареи рзы ихацнаркыз заатәи ашьаусҭҵаара аҳәаақәа ирҭагӡаны аанкыларақәа хәба мҩаԥнагеит.