АҞӘА, ажьырныҳәа 12 – Sputnik. Арекордтә хыԥхьаӡара, 15,1 миллион хҭыс азгәаҭоуп адунеи аҿы амчыбжь аҩнуҵҟала, ҳәа аанацҳауеит РИА Новости ААЕ адыррақәа рышьаҭала.
Ажьырныҳәа 3 - 9 рзы адунеи аҿы иазгәаҭоуп 15 154 666 хҭыс ҿыц. Акоронавирус иахҟьаны рыԥсҭазаара иалҵит 43 461-ҩык. Ииасыз амчыбжь азы аиҳарак ачымазара шьҭыҵит Европа - 7,1 миллион COVID-19 хҭыс.
ААЕ адыррала иахьазы адунеи аҿы иаарԥшуп 308 миллион COVID-19 хҭыс, рыԥсҭазаара иалҵхьеит 5 миллионҩык.