АҞӘА, ажьырныҳәа 12 – Sputnik. Гамалеи ихьӡ зху Ацентр адиректор ихаҭыԥуаҩ Денис Логунов YouTube-канал "Соловьев Live" аефир аҿы иҳәеит ажьырныҳәеи жәабрани амзақәа рзы Урыстәыла ачымазара алаҵәара шыҭбаахо.
Уи мзызс иамоу егьырҭ ачымазара ахкқәа раасҭа иццаку омикрон-штамм ауп ҳәа иҳәеит.
Логунов убри аан иазгәеиҭеит "омикрон" еиҳа иласны ишышьҭукаауагьы ашәарҭара еиҵоуп ҳәа. Британиа дуи Аладатәи Африкатәи ареспубликеи рыстатистикатә дыррақәа рыла ари аштамм змоу рыԥсыҭбара ԥшьынтә еиҵоуп.
Уаанӡа Агәабзиарахьчараз адунеизегьтәи аиҿкаара ахаҭарнак Девид Набарро иҳәахьан "омикрон" иааиуа ахымз рыҩнуҵҟа акоронавирус алаҵәара иазнарҳауеит, аҿкы аҽеиҭанаклоит, иҿыцу аштаммқәагьы цәырҵыр ҟалоит ҳәа.