АҞӘА, ажьырныҳәа 12 - Sputnik, Сариа Кәарцхьиаԥҳа. Сынтәа 19 нызқь тонна амандарина Аԥснынтә Урыстәылаҟа аҳәаа иахыган, 2020-2021 шықәсқәа рзы аекспорт 47,5 нызқь тонна ыҟан ҳәа Sputnik иазеиҭарҳәеит Аԥсны аҳазалхратә еилакы аҿы.
Аусбарҭаҿы иазгәарҭеит ари аҽаҩра амаҷра ишахҟьаз.
Аилак адыррақәа рыла сынтәа 300 тонна апатырқали, 535 тонна алимони, 1,1 нызқь тонна ахәырмеи, афеихоа 1,8 нызқь тоннеи аҳәаа иахыган. Иара убасгьы 1,7 нызқь тонна араса атәыла иалган.