АҞӘА, ажьырныҳәа 12 – Sputnik. Ахәқәа 8,4% рыцлара инадҳәаланы Владимир Путин аиҳабыра рахь ааԥхьара ҟаиҵеит атәанчахәқәа 8,6% рыла риндексациа мҩаԥгазарц, ҳәа аанацҳауеит РИА Новости.
Урыстәыла ахада иҳәеит ахәқәа иаалырҟьаны рышьҭыҵра иахҟьаны уаанӡа ирыдыркылахьаз аӡбрақәа атәанчаҩцәа рныхрақәа хырҩом ҳәа, уи аза ажәалагала ҟаиҵеит атәанчахәқәа 8,6% рыла риндексациа мҩаԥгазарц.
Асоциалтә политиказы Афедерациатә хеилак ахада Инна Свиатенко илҳәеит асенаторцәа иахәҭоу азакәан апроект аамҭа мгакәа ишрыдыркыло, аиҳабырагьы иахәҭоу апроцедурақәа шымҩаԥырго.
ООН афатәааглыхратәии ақыҭанхамҩатәии аиҿкаара (ФАО) адыррақәа рыла, адунеи зегьы аҿы афатә ахә ԥшьынтә еиҳахеит 2020 шықәса иаҿырԥшны ҳахәаԥшуазар. Ақыҭанхамҩатә аалыҵ хадақәагьы рыхәқәа ашьҭыҵра ахҟьеит апандемиа, аҳауа аҽеиҭакра.