АҞӘА, ажьырныҳәа 17 – Sputnik. Роспотребнадзор Нхыҵ Уаԥстәылаҿы раԥхьаӡа акәны иазгәанаҭеит коронавирустә инфекциа аштамм ҿыц – омикрон ҳәа аҩуеит Sputnik Аахыҵ Уаԥстәыла, ахыҵхырҭа адыррақәа шьаҭас иҟаҵаны.
Ареспублика ахада Сергеи Мениаило Роспотребнадзори Агәабзиарахьчара аминистрреи анапынҵа риҭеит ачымазара аҽарҭбаар ажәалагалақәа азнархиарц.
"Ҳусура убасеиԥш еиҿкаатәуп, ҳахиахартә аиԥш. Арахь иаҵанакуеит ашьҭаларҭа ҭыԥқәа, аҵәыҵәри, ахәшәқәа уҳәа иаҭаху зегьы", - ҳәа иҳәеит Мениало.
Арегионалтә усбарҭа аиҳабы Алата Тибилова илҳәеит омикрон-штамм змоу ҩыџьа шыҟоу, ареспубликаҿ иҟоу ачымазцәа индиатәи дельта-штамм шакәу ирымоу.
Аҟазауаа иазгәарҭоит акоронавирустә инфекциа аҽшарҭбааз, издырҳәалогьы аштамм ҿыц ауп. Аҽеиҭакра ҿыц алаҵәара ласуп.
Ус шакәугьы, аштамм ҿыц еиҳа ишәарҭам ҳәа иршьоит уаанӡатәиқәа ирҿырԥшны. Алаҵәара аццакреи аԥсыҭбарақәа ацымзаареи ирҿырԥшны аҵарауаа омикрон-штамм еиҳа ирласны аколлективтә иммунитет еиҿнакаауеит ҳәа иршьоит.