АҞӘА, ажьырныҳәа 17 – Sputnik. Аԥсны адәныҟатәи аусқәа рминистр Инал Арӡынба дидикылеит Ҭырқәтәылатәи Ареспубликаҿы иҟоу Аԥсны азинмчнагӡа змоу ахаҭарнак Ибраҳим Аҩӡба, абри атәы аанацҳауеит Аԥсны адәныҟаполитикатә усбарҭа асаит.
Аҩӡба аминистр изеиҭеиҳәеит Аԥсны Ахаҭарнакра аусура шеиҿкаау, Ҭырқәтәыла инхо аԥсуа диаспорақәеи иара убас егьырҭ Кавказ жәлар рдиаспорақәеи руаажәлааратә еиҿкаарақәеи дареи русеицура шцо атәы.
Уи адагьы иара еиҭеиҳәеит агуманитартәи акультуратә хырхарҭақәа рҟны аԥшьгамҭақәас иазгәаҭан ирымоу атәы еиҭеиҳәеит.
Инал Арӡынба иакәзар, иазгәеиҭеит Ҭырқәтәыла ауаажәларратә еиҿкаарақәа аус рыцура хымԥада ишаҭаху Аԥсны ахьӡ аҳәаанырцә еиҳа-еиҳа аларҵәаразы.
Ҭырқәтәылатәи Ареспубликаҿы иҟоу Аԥсны ахаҭарнакра аԥҵан 1994 шықәса рзы Сҭампыл Аԥсны раԥхьатәи ахада Владислав Арӡынба иҟаиҵаз адҵала.