Медведев иҳәеит "омикрон" аан Урыстәыла локдаун заланамгало атәы

Акоронавирус омикрон-штамм, B.1.1.529, аарԥшын Ботсванеи Аладатәи Африкеи абҵарамзазы. Аҟазауаа ишырҳәо ала, иара шьҭыркаар рылшоит ачымазара зхызгахьоугьы, алаҵа ҟазҵахьоугьы. Иара акыр еиҳа иццакны ирылаҵәоит "дельта" ахкы аасҭа.
Sputnik
АҞӘА, ажьырныҳәа 28 - Sputnik. Локдаун апандемиа алагамҭаз акәын ианаҭахыз. Уажәтәи аҭагылазаашьазы, аштамм ҿыцқәа анцәырҵуа уи ахәҭам ҳәа иҳәеит Урыстәыла Ашәарҭадаратә хеилак ахантәаҩ ихаҭыԥуаҩ Дмитри Медведев РИА Новости назлоу Урыстәыла АИХқәа аинтервиу рыҭо.

"Локдаун апандемиа алагамҭаз акәын ианаҭахыз. Уажәтәи аҭагылазаашьазы, аштамм ҿыцқәа анцәырҵуа уи ахәҭаны иԥхьаӡам. Ачымазара аҽшарҭбаазгьы Москва локдаун рылаҳҳәом", - иҳәеит Медведев.

Иара иазгәеиҭеит "ауаа зегьы ҩымчыбжь рыҩнуҵҟа руадақәа рыҩнакра алшозар авирус ииашаҵәҟьаны иаҳԥырҵуан" избанзар апатоген ауаа роуп зцәа иалало, аха усеиԥш шзыҟамло дыруп ҳәа.
Медведев иажәақәа рыла локдаун аԥхьанатә иаҭахын избанзар усҟан иара закәыз цқьа иҳаздырамызт.
Аинфекционист омикрон-штамм еиҳа ишьҭызкаауа ркатегориа далацәажәеит
"Иҟамызт алаҵа, иҟамызт атехнологиақәа. Иҟамызт амедицинатә цхыраара аҟаҵашьа асистемагьы. Аиаша уҳәозар Европа аасҭа уи асистема ҳара ҳҿы аус ауан избанзар, асовет аамҭақәа рсистема макьанагьы аус ауеит. Абарҭқәа рзоуп локдаун аԥхьанатә хра замаз", - ҳәа азгәеиҭеит Медведев.
Убри аан локдаун алагалахар ҟалоит ишәарҭаӡоу ахк ҿыц цәырҵыр ҳәа иҳәеит иара.
"Сгәаанагарала ԥхьаҟагьы локдаун аҭахымхар алшоит зынӡа ишәарҭоу авирус хкык цәырымҵыр. Аха сгәыӷуеит уи аиԥш ҟаларым ҳәа" - иҳәеит иара.
COVID-19 азы атест ҟауҵаанӡа "омикрон" аҟазшьа аарԥшышьа шьақәыргылоуп