АҞӘА, ажьырныҳәа 31 - Sputnik. Фазиль Искандер ихьӡ зху Аурыс драматә театр жәабранмзатәи афиша азы алаҳәара ҟанаҵеит ҳәа аанацҳауеит РУСДРАМ асаит.
Амза раԥхьатәи амш аҽны ахәаԥшыҩцәа ирыдгалахоит акомедиа "Оскар" (франциатәи адраматург Клод Манье).
Асцена маҷ аҿы жәабран 5, 12, 28 рзы иддырбоит аспектакль "Ицасу агәырӷьара". Ари ақәыргыламҭала иаартхоит атеатр шықәсыбжактәи аусура.
1.
Аспектакль "Ишьаарҵәыроу ачара" - жәабран 9.2.
Акомедиа "Примадонны" - жәабран 14.3.
Аспектакль "Авантиурист имшынҵа" – жәабран 16.4.
Милана Ломиаԥҳа лмоноспектакль "Бродски" - жәабран 18.5.
Акомедиа "Кьоџьаа рҭыӡшәа" – жәабран 21.6.
Амоноспектакль "Ацынҵәарах" - жәабран 23.Маиа Тульчинскаиа лпиеса ала иқәыргылоу "Сара сакәым изыхҳәаау" аԥхьарбара мҩаԥысуеит жәабран 25 – 26 рзы. Иара убасгьы, РУСДРАМ иазнархиеит актиортә лагалақәа.
Абилеҭқәа атеатр акассеи асаити, "А-Мобаил" аофисқәа рҿи раахәара ҟалоит.
Аԥсны атеатрқәа бжьымз инарзынаԥшуа аус руамызт аепидемиологиатә ҭагылазаашьа иахҟьаны. Ажьырныҳәа25 азы азин ҟаҵан акультуреи аспорти русҳәарҭақәа русура аиҭахацыркра асанитар-гигиенатә нормақәа ирықәныҟәаны.