АҞӘА, жәабран 2 – Sputnik. Краснодартәи аҳазалхыҩцәа иаԥдырҟәҟәааит изакәаншьаҭадаз 170 ҭоԥ, 3400 цыра аҭаҭын аалыҵ аҳазалхырҭатә ҭыԥ "Адлер" аҿы ҳәа аанацҳауеит Аладатәи аҳазалхчратә усбарҭа асаит.
Амаҵзурауаа ргәы рҽаннаҵеит Аԥсны атәылауаҩ лхымҩаԥгашьа "амҩа иаҵәа" ҳәа изышьҭоу ала аҳәаа лахысраан. Лара амаҭәа рацәа еиҵагәаны илшәын. Лгәаҭараан лпалта 7 блокк асигареҭ (70 ҭоԥ, 1400 цыра) аҵыргеит.
Уаанӡа даанкылан Аԥсны атәылауаҩ. Уигьы иара убас еихагәа-еиҵагәаны амаҭәа рацәа ишәын. Иара иҽазишәон 100 ҭоԥ асигарет (2000 цыра) аиагара.
Иаанкылаз рҿы рықәшаҳаҭхеит асигарет шырҵәахуаз, ишырдыруаз аҳәаа ахысраан иҟоу аԥкрақәа.
Асигареҭқәа Урыстәыла рыҭира ргәы иҭан.
Аҳазалхыҩцәа изакәаншьаҭадаз атауар рымырхит, аекспертизахь инарышьҭит. Ашьаус хацыркуп Урыстәыла АЗ 16.1 ахәҭаҷ 1 ахәҭа; 16.3 ахәҭаҷ инарықәыршәаны.
Аԥснытәи аҳәаала Урыстәыла аҳазалхратә ҵакырахь ахатәхархәаразы 18 шықәса ирҭысхьоу ахаҿы 200 сигареҭ, ма 50 сигара (сигарилла), ма 250 грамм аҭаҭын, ма иарбоу аалыҵқәа ааидкыланы зеиԥш капанла 250 грамм еиҳамкәа аиагара азин имоуп.