Италиатәи актриса Моника Витти лыԥсҭазаара далҵит

АҞӘА, жәабран 2 - Sputnik. Еицырдыруа италиатәи актриса Моника Витти лыԥсҭазаара далҵит 90 шықәса дшырҭагылаз, абри атәы Twitter аҟны иҩит Италиа акультура аминистрс иҟаз Альтер Вельтрони лыԥшәма иажәақәа ҵаҵӷәыс иганы.

Моника Витти аҵыхәтәынтәи ҩажәа шықәса раҟара ауаа рацәа ахьеизоз дцәырҵуамыз. АИХ-қәа рҟны ицәырҵуаз адыррақәа рыла, лара аҩны лдәылымҵра илымаз Альцгеимер ичымазара иазҳәан. Актриса лыԥшәма, арежиссиор, афотоҭыхыҩ Роберто Руссо лыхьӡала аинтернет аҟны еиуеиԥшым уҳәансҳәан цәырымҵырц дашьклаԥшуан, дихьчон.

Мариа Луиза Чечарелли (актриса лыхьӡ хаҭа) диит Рим 1931 шықәсазы. Данқәыԥшыз инаркны ахаԥшьгаратә спектакльқәа рҟны дықәгылон, 1953 шықәса рзы далгеит Амилаҭтә адраматә ҟазара академиа.

1 / 4

Италиатәи акиноактриса Моника Витти Кремльтәи Ахан абаҳчаҿы. VI Москватәи жәларбжьаратәи акинофестиваль (ԥхынгәы 7-22 1969 шықәса).

2 / 4

Ален Делони Моника Витти 1962 шықәса рзы афильм "Затмение" аҟынтәи асцена ихәмаруеит, арежиссиор Микеланджело Антониони.

3 / 4

Асовет актиор Донатас Иуозович Банионис, италиатәи акиноактриса Моника Витти, асовет актриса Виа Артмане VI Москватәи жәларбжьаратәи акинофестиваль аҿы (ԥхынгәы 7-22 1969 шықәса).

4 / 4

Актиорцәа Жан-Клод Бриали Моника Витти Каннатәи афестиваль аҿы, 1974 шықәса лаҵара 11 рзы.

Моника Витти лактиортә мҩа еиҳа аҽарҭбааит италиатәи арежиссиор Микеланджело Антониони ифильм ашьҭахь, уи аамҭазы лара уи играждантә иԥшәма лакәын. Актриса лыхәмаршьа акырӡа иҳаракны ахә ршьеит акритикцәа.

Иара убас Моника Витти акымкәа-ҩбамкәа италиатәи акомедиатә фильмқәа рҟны арольқәа налыгӡеит.

Витти хәынтә иланашьан италиатәи амилаҭтә кино аԥхьахә "Давид ди Донателло", ари аԥхьахә аҭоурых зегьы аҟны абас ирацәаны аҳамҭа занашьаз Софи Лорен заҵәык лакәын.

Италиатәи акинорежиссиорцәа Аԥсны иазку адокументалтә фильм ҭырхит

28 Абҵара 2019, 18:00